[on.cc即時新聞] 藝人張曦雯（Kelly）及莊思明於跑馬地出席明珠台活動。Kelly日前被拍得與莊思明舊愛富二代Daniel Lilischkies當街拖手兼讓男方出入香閨。剛由德國旅行返港的Kelly卻拒絕認愛：「我都冇男友。（影到你哋拖手，男方出入你屋企？）邊度有拖手？冇可能。佢係上過我屋企，但好多朋友都上過嚟。上屋企唔代表拍拖，之前徐肇平都上過嚟但，都唔係拍拖啦！我要考慮少啲叫男性朋友嚟玩。」
坦言對楊明冇興趣
問Kelly與Daniel可有發展機會？她語帶保留，但自認心急拍拖：「將來嘅嘢唔知，但做得朋友代表係個好人。（大家心急你拍拖？）我都少少心急。（知Daniel同思明拍過拖？）知，我早過佢少少識Daniel。」對於Kelly和思明同場猶如新歡、舊愛共冶一爐？Kelly否認：「點會尷尬，不嬲係好朋友。（有冇試過同朋友鍾意同一個男仔？）我對楊明冇興趣，所以應該鍾意唔同類型。」
同富二代拍拖有壓力
提及擇偶條件，Kelly指男方應孝順父母，至於身份是否富二代並不重要。她稱過往曾結交富二代男友而感到壓力，故或者會拒絕追求：「好大壓力，（被人話貪錢？）其中一樣，如果識富二代要諗多陣，或者Say No!」
Search